[A:651]su gnang /
lo de'i nang mkhas pa zil gnon chos khri chen mo'i mtha' bskor lcags ri shar nub la sgo nyis hral gnyis re 'phral phugs brling mdzes kyi nyams gso/ dus mdos gzab ma'i rdor gong / phod ka zhwa nag bse theb/ rnga chung pa'i gar chas/ gser rnga/ rmog khrab/ gri dong / bud med chas gos chen las grub pa sogs dang / tshoms chen gdung khebs gos kyi lce sgrigs/ gzhung zhabs rin po ches stsal ba'i gos yol khyad mtshar/ gur lha brgyad thun mong ma yin pa'i ru mtshon sogs bca' sgrigs kyi dus mdos gzab ma zhig kyang bka' drin bskyang ngo / /
dgung grangs nyer bdun pa lcags phag lor nged rang gi ma lags de la zas min lta bus snyun gzhi thu mo gdon rgyab bcas byung bar nyin gcig rje 'dis drag dmar nyams bzhes thog nas bgegs bskrod mdzad pas/ ma lags de'i gzigs ngor btsun mo'i thog tshad dang mnyam pa'i drag dmar gyi sku las me stag du ma 'phros pas sku lus tshig nyams shar ba dang/ de rjes lhun grub pho brang du drag po sgrol dbang gsan skabs ma lags de'i gzigs ngor rje 'di rdo rje phur pa'i skur gyur pa'i phyag mtshan rnams rang la bsnun nyams kyi dud khu rnag khrag sogs thon pa'i thugs snang