[A:660]zhal ngo rnams tsho du mar bzhugs dgos byung bas phun tshogs gling na yum sku drin can de nyid dang a ni lags bzhugs/ rje de nyid lha khang rtse/ ma lags dang ngos spun bdag mo lha mdzes bu khrid rnams bzhi thog na yod skabs phur sgrub tshugs thog gnas gsar rdo rje 'chang phebs thengs gnyis pa dang / rta nag mkhan chen ngag dbang tshul khrims bzang po'ang byon/ rigs cha dang bdun pa'i bka' 'gyur zla stod la tshugs pa las rig grwa'i gzigs mor yang rgyal yum de nyid kyis nan tan mdzad/ bka' 'gyur khyams smad byang du tshugs skabs lha mthil mchod mjal la 'byon zhor bka' 'gyur tshogs gsham nas sku na bgres mo des brgya phyag brgal tsam thugs smon dang bcas mdzad/
zla ba de'i nyer drug chad pa'i nyer dgu la phun tshogs gling gzim chung du gsung gtor mdzad mur steng grib 'dra ba'i bsnyun gzhi glo bur ba zhig bzhes par phur sgrub gung seng thog de'i gnas tshul rje nyid la zhus pa bzhin rkyen sel sogs gang ci'i zhal bkod gnang yod 'gro yang zhib par ma nges/ de nas dgongs myul tsam la rgyal yum sku drin can bstan 'dzin bsod nams bzang mo de nyid dgongs pa chos dbyings su thim pa'i tshul bstan par rje sku mched nas kyang skyabs 'jug yang dag bka' drin