[A:693]byang gnyis ka gsung gra bzang ba sogs bla ma'i byin rlabs gzhugs pa 'dra mo dang / gzhan yang rtse gdong sprul pa'i sku sogs bu slob phyogs tha dad na bzhugs pa du ma dang / grub mtha' ris med mkhas grub kha shas/ mnga' ris gtsang lho byang mon 'brog dbus dgas kong khams sogs rigs rgya nag sogs kyi sku drag du ma sogs gtsug lag zung ldan rnams nas bstan 'gro'i don gdul bya so so'i skal ba dang 'tshams pa'i sgo nas 'phral yun phan bde spel ba rgya cher bskrun par mdzad de rang snang klong du phebs pas gzhan snang zil gyis gnon pa chos nyid bzhin skye dgu du ma'i gtsug la zhabs rdul dmar 'od kyi khyab par mdzad pa gong ma bdag po chen po g.yung Ting rgyal pos bka' glegs rin po che srid na mngon par btsan pa'i phyag rgya dbang mdangs gzi 'bar gyis spras pa'i nam mkha' mdzod sgo phye ba lta bu'i gsol ras gya nom lan gnyis tsam phebs par zhu lan byin rten dang rje nyid kyi sku skal du gyur pa'i dngos po bzang dgu stobs par mdzad/ gong ma chen po'i sku tshab lha sar bzhugs mi zhig gis kyang mdzod pa lha sar 'gro zhor zhig la sa skya'i gnas tshul zhiib dris kyi rje 'di nyid la mi phyed dad pa brtan pos thal mo sbyor zhing de skabs zhabs 'bam gyi snyun tshul gsan pas spyan chab