[A:716]'brug nag zlar khrag rlung mthu mo zhig gi mi 'tsho ba tsam du gyur dus 'jam mgon sangs rgyas ye shes kyi 'chi bslu sogs rim gro dang sman sogs kyis lhogs tsam byung ba de yin 'dra/ gzhan yang mnal lam yin yin mang po byung 'dug kyang 'dir de tsam mo/ /
gang ltar de nas shing stag sa ga'i tshes bcur kha ba 'bab cing btsas par yab rje rdo rje 'chang nas ljags chu tshe dbang byabs khrus sogs bstsal zhing gtang rag lha bsangs gsung bskang sogs dang rim gro spyi sger nas sgrub yod 'gro zhing/ legs so ster ba'i dngos po ni du ma byung / gso sla zhing nyan pas yab yum nas thugs rtsis lhag par che/ ming zhus pas yab rje nas ngag dbang kun dga' bsod nams mthu stobs dbang phyug bkra shis grags pa rgyal mtshan dpal bzang poor bstsal/ gces ming la tshangs pa mchog pa zer bas zla bo tshos bla ma tshangs mchog lags zer/ ming la mthu stobs dbang phyug yod pas sgar chen rnam sprul yin zer bas cal sgrog byung bas de rang yang sgar chen yin rgyu'i khul byed/ smra shes tsam la yab rjes zhabs 'bam bzhes dus 'jam dbyangs bsod nams dbang pos phyag mkhar bsnams pa mthong bas rgan nyams dang mkhar ba 'khur ba'i tshul byed/ yab