[A:718]can lha mo nu bo der zhal sgrub dus mgon po'i sku thang gnang bas nged gnyis kyi thang khar gong gsham mi 'dug pas gong gsham gsol dus gos spu ma 'brug ris sogs 'bur thon tshon snas spras pa zhig byung song bas bsrung ma 'di kun tu 'go zhing 'phrin las sgrub pa'i rten 'brel yin nam snyam zhing / de dus tshe dbang gnang dus tshe bum zan bzo las tshe chu dngos su phebs pas yab rje rdo rje 'chang de nyid la nyung ngu dang / nged la thigs grangs mang tsam/ nu bo de dang ma lags la gtan nas ma byung bas phyis kyi rten 'brel kyang de ltar du gyur/ yang de dus tshe dpag lha dgu'i sgo nas 'chi bslu dang rjes 'brel dbang yang bstsal zhing me tog dkyil 'khor la 'bul du 'jug par mdzad pas/ yab rje'i de sangs rgyas tshe dpag med la babs/ nged kyii de rin chen tshe dpag med la babs/ nu bo de dang ma lags de gzhal yas khang nang du lhung tsam byung / gur khro bcu dang zhal bsnyen dus kyi rjes gnang kyang bstsal/
de nas rim gyis lo bdun par slebs dus nged gnyis chos khri thang mo cher che 'don lhan du gnang bas rgan gzhon khyad thub pa dgongs gsal nged kyi skyar/ mnga' gsol phyag nas ni gnyis ka byung bas skal ba bzang snyam yin/ ka bzla sum cu