[A:726]der btags yod pas de dus nas 'tshub nyams byung zhing / mthar rtse rjes ma lags de la bdag mo'i dga' ston sogs la g.yeng ba med par mtshams mdzad na legs tshul phebs pa ma 'ong sgrib med gzigs pa'i lung du 'dug
de nas smin zla'i bcu gsum la bdag mo 'byor ba'i ston mo gzhas sogs gzab 'phyor dang / khyad par gong sa rin po che nas gzims 'gag 'od 'jo sku tshab tu ched gnang gi legs so tshad med bstsal ba sogs gzhis byes gong 'og kun nas go babs de las lhag pa mdzad rgyu med kyang sngon las 'phral rkyen lta bu'i mi shis pa'i mtshan mar bdag mo byon phral dbus zhabs zhig nas bzhi thog tshoms chen rtser dar lcog zhig btsugs song ba de phral rlung gis khyer ba'i gar song cha med byung song zhing / mon 'khyams mya ngan gyi non pa lta bu 'ga' rer gling bu ngu skad 'don pa lta bu bsgyur ba sogs sems tsha lhang nge byung yang rmu gab kyi bcings pas rim gro gang yang ma dran/ de dus zhol khang chol mdzad sku tshab tu byon pa'i gzhung sa'i sku rim bskang ba nyin gang ma zhag shas tshom chen du tshugs pa'i dbu dang mdos chung mdos chen sogs la'ang des phyin/
de nas chu bya rta zla'i tshes gcig la rlung chen tshod med byung