[A:733]phyi rnams kyi bab gang sa nas zhal mngag du ma gnang mthar rgan mo nga'i 'das shul gang mdzad na'ang nyid rang nas mkhyen pas des ma thus pa gang yang zhu rgyu med gsung byung bas blo khol yang snying rus skyed nas da dung sku rim 'phrod bzhes rim nas zhu bas dngas bskyed bzhes thub tsam e yong ci ste ji gsung bzhin thog bab shar tshe gang spyi'i zhal chems 'gyod med zhu zhus pas dgongs par shin tu bab song zhing nu bo de ni mid pa 'khril ba yin nam gang yang zhus ma song /
de nas phur sgrub ring dang khrums zla'i bcu gsum par res 'jog gi de nyin ngos spun dbang khang na 'jam rdor sgrub mchod byed mur nyi dros la da gshegs grabs 'dug pas byon zer ba bzhin phyin pas mi ngo mi mkhyen cing spyan phan tshun du gzigs thub tsam 'dug pas nged rang nas bdud rtsi ril bu khrus chur sbyar bar sangs rgyas 'phel gdung bcas zhus pas dar tsam nas cung zad thugs gsal du song nged gnyis kyi sgrub mchod grol grub phral 'on seng gang dgos gra sgrigs kyi cag char re bsdad pas bcu bzhi 'i shar mda' btang tsam la char chen sgrub mchod tshogs drung gsan pas phyag thal mo sbyar nas chos dbyings su thim phral zhal chems bzhin 'od zer nas mkha' spyod ma'i 'pho ba gsol