[A:737]gnas chig sgrub dus nu bo des gzim chung khams gsum du rme rtsegs khrus bgyiis dus gong sa rin po cher sku dog rtags byung 'dug kyang zhu ma nus/
gong du smos pa bzhin gzim dpon mthu stobs kun dga' rgyas 'khrugs kyi na bas lha sar lus thog nas dus chos su gyur pa'i rjes sgrub rnams la nu bo de rang nas bskul ma bgyid pa sogs byas shes drin zo ya rabs kyi rtags ni dga' mo 'dug
bco brgyad du sku ngo rnams la sgrol ma maNDal bzhi chog de'i mtshan brgya/ gnas gsar rje'i sku bstod/ nged rang mched ring 'tsho'i bden tshig rnams kyi lung / bsam las su kyai rdor rgyu dbang tshar drug rta mgrin skyer sgang rjes gnang / dbu rtse rigs gsum gling bzhi gling phran gtsug lag khang rnams la rab gnas cho ga'i sgo nas me tog gtor song bar thal rlung byung bas rang gzhan la mi shis pa 'dra gter ston rin po che kun bzang bde chen rgyal por gang ci'i gsung brtag zhus pas nu bo de khong gi chos bdag gter lung las/ nub nas sa skya'i gdung brgyud byang chub sems/ /zhes lung zin de yin 'dug gsung zhing tshe tshad ma nges gsungs pas lung bstan thig po yin 'dug cing/ lo de'i mgo zla'i nyer gnyis la bdag mor 'chi med bu khrid dam/