[A:747]nu bo de dang lag sbrel byas nas 'gro yi 'dug pas skye ba de'i rnam pa med par byis pa loo lnga'i tshod tsam zhig 'dug pa'i mthar rgya dkar nag lha khang gi thog khri zhig bzhag song bar mkhan chen ngag dbang chos grags kyi skur 'gyur/ yang lan cig chos dung nu bo des bzung 'dug par 'jim rlon bzhin zhig pa sogs rmi lam ngan pa btud cing / de rang la bsnyen pa'i skabs rje 'bangs nyer lnga'i gras dran pa nam mkha'i skye ba yin khul gyi gter zhig ston song bar gro kha dang dar dmar la gter chos dhA ki dhA ki zer ba'i glegs bam bsnyed pa rmis shing / yang lan cig khog nang na byis pa mche ba skya zing nge ba zhig skye grabs yod bsam pa dang / yang lan cig thun gyi sgang la spyi bo nas rang sems kyai rdor yab yum gyi rnam pa mtho gang tsam zhig rlangs pa bun ne thon nyams byung bas skyo lhang lhang byung zer zhing da nged gcong can 'di'i gdung gi go sa mi yong bas gang ci'i mtshams la bla ma rin po che rang thugs bsam che bskyed mdzad dgos zhes sa skya pa'i gdung 'dzin kyang nged la bcol zhing / skabs 'gar sman dang rim 'gro sogs kyi dga' mo yong 'gro zhes sems gso'i tshul byas na/ lan du zla ba brgyad par dri med rnam gnyis mi 'khrugs pa'i gsung chog rnams gtong rogs mdzod zer/