[A:755]dkyil 'khor gshegs gsol sogs bdun tshigs rnam dag gi lag len bgyis/ tshes dgu nas zhag lnga'i ring 'jam mgon dpal ldan chos skyong dpon slob lnga'i kun rig sgrub mchod/ mus chen zhal dkar mched bcas kyi mi 'khrugs sgrub mchod zhag lnga rnams la'ang mchod gtor gsol ja yon sogs smar bar phul/ sngar zhal chems su byung ba ltar tshes bcu nas zhag gsum ring nged rang nas de'i bsnyen pa'i kha skong bcu cha'i sbyin sreg phyag len bzhin bgyis par gshegs po'i sngags lhag chad kyi nyes pas tshon sdig sgrib sa lam bar chad zhi ba'i spel tshig sbyar spur khang dang gdung rus bsngu ba gzhan yang de'i nyer spyad byin rten zhal bkod tshang ma 'jam mgon de nyid kyis mdzad pa'i spur rus sgam tshur 'byon dus/ mchod phreng nyung ngu'i sil snyan rgya gling nged kyis go byung bas sems skyo lhang dang 'dus byas mi rtag snang tshul gsol 'debs yang dag byung ba ni 'das pos nged la dge skul yin 'dra/ gdung rus dbang khang du mchod pa bcas zhag shas zhugs thar brtul ba'ang gad gang gtsang byas/
bcu bzhi'i nyin nas zhag lnga'i ring ngor du dge 'dun lnga brgya skor la bsnyen rgyas zhus par mchod pa 'jam mang ja sogs dang yon snam bu sogs dngos po sna tshogs la gong rgyag gi dngul