[A:771]brgya bcu gsum re dang tshang ma gser bris gcig dmar po skor gsum/ nor rgyun tog gzungs nas 'byung ba'i 'bru nor 'phel ba'i gzung ste rgyud sde bzhi'i gzungs rags bsdus dang / khyad par gtsug nor rnam rgyal/ gtsug rdor dri med/ gsang ba ring bsrel/ byang chub rgyan 'bum/ rten 'brel snying po ste gzungs chen sde lngar grags pa dang / rab gnas rgyud gzungs tshul khrims rnam dag srog shing brtan sngags/ rdor dbyings/ chos dbyings/ sngags dbyings/ tshe gzungs/ byams pa'i dam bcas/ sangs rgyas stong gi snying po/ mdzod bu nor bu/ de bzhin gshegs pa'i yig brgya/ mtshams med sgrib sbyongs/ don yod grub pa'i gzungs/ shes snying dang sngags/ nam mkha' mdzod gzungs rnams so so nas lnga stong chig brgya nga gcig dang gser bris re/ rig phug 'dod gsol du ma/ gsang 'dus/ 'jigs byed/ gshed dmar/ rta mgrin skyer sgang / drag mthing / drag dmar/ phur pa/ yang dag rig byed ma/ mkha' spyod ma/ bde mchog dus 'khor/ kyai rdor gyi sku rnams sdoms dgu stong nyis brgya zhe bdun/
de nas bum thog bre nang du srog shing la zhal phyogs shing 'khor mor bzhugs pa yab rje rdo rje 'chang dang brag rtsa rdo rje