[A:84]gnang bsrung 'khor sogs mdzad/
rta zla'i mjug sde srid chen po rgyal mkhar rtse nas tshur phebs te sde srid chen po nyid la tshe dbang brgya rtsa sogs bka' chos bsam gyis mi khyab par mdzad cing/ yab sras sku bsrung la sku 'khor nyung shas dang bcas sku mtshams la bzhugs/ dbo zla'i 'gor rgyal ba karma pa bcu pa chos dbyings rdo rje dang/ rje zhwa dmar ba drug pa gnyis ka bsam rtser phebs te phan tshun dag snang shin tu che bar mdzad/
de ltar zla ba drug bzhugs ring lam 'bras bla brgyud bris thang la rab gnas sogs bstan 'gror phan pa du ma mdzad cing/ mi'i dbang pos zhabs tog rgya cher bzhes nas nyid kyi gdan sar phebs te phur sgrub la sogs mdzod de ltar bdag nyid chen po 'dis mkhas grub dam pa rnams las gsan pa rgya mtsho'i pha rol tu gson nas/ nyid kyi thugs nyams su bzhes pa dang/ gzhan la spel ba'i tshul ni gong du bshad pa de dag dang 'dir yang cung zad tsam bsdoms na rgyun gyi nyams bzhes kyi rim par bir bsrung phyi nang/ lam zab phyi nang/ dpal kyai rdo rje'i phyi nang gi bskyed rim dbang rgyas 'bring dang bcas pa la ljags bzlas du ma/ mkha' spyod ma'i bsgom zlas/ nag po chen po'i bsrung 'khor nang