[A:87]she'u lo tsA ba'i slob ma lcags mo chos mdzad ma'i g.yog mo de nA lendrar gsung ngag zhu ba la yong dus chu nad kyis 'chi la khad pa la bsrung mdud dang byin rlabs mdzad skabs lcags mo bla ma blo gros brtan pas do dgong sang dgong tsam 'chi ba 'dra zhus pas khams mo da res mi 'chi gsung ba bzhin nad las grol nas gsung ngag yongs rdzogs thob/ yang bsam 'grub rtser mda' dpon sgog lung pa na dus tshe dbang brgya rtsa dang/ 'chi bslu mdzad tshe zhabs phyi 'ga' res/ da lan mda' dpon 'gro ba 'dra zhus pas/ a kha mda' dpon mi 'chi gsungs pa bzhin nad las grol ba dang/ 'og nas 'byung ba ltar chos sde gsar pa'i sa chog skabs bka' gnang ba rnams de bzhin du gyur pa dang/ 'grul pa sogs 'ong gsungs pa'i nyin 'ongs shing/ mi 'ong gsungs pa'i nyin mi 'ongs pa sogs mdor na thugs mkhyen thogs pa med pa'i rnam thar dpag med yod kyang de tsam las brjod par ma nus la/ de ltar rnam 'dren dam pa rang nyid mkhas grub kyi go sa mthon por gshegs te gzhan rjes su bzung ba'i tshe smin byed dbang ngam/ grol byed kyi lam mam/ mtha' drug tshul bzhi'i rgyud don 'chad dam/ zab mo'i byin rlabs stsol lam/ rnam dag sdom pa 'bog pa la sogs pa gang mdzad kyang de