[A:93]rjes gnang mdzad/ ngag dbang chos grags spyan drangs te tshe bka' sogs gsan/ ston mjug rje nyid gzhis rtser phebs/ ngag dbang chos grags kyi yum bgros mor gsung chos gnang mur yum sku ma bde bar je lod du song tshe rje nyid rtse gdong du phebs nas zhag bcu song ba glang lo smin drug nyer lnga la yum dgung lo brgyad cu gya bdun pa'i thog tu sku gshegs rjes/ rje nyid khu dbon dang ngag dbang chos grags kyi gdung chog lam ston sogs dgongs rdzogs dang/ dbus gtsang gi chos sde che phra mtha' dag la mang 'gyed bsngo rten/ rtse gdong du ser 'du mang 'gyed dpag med mdzad de gsung bsngo'i rgyas 'debs kyi sgo nas rgyal yum dam pa'i dgongs pa yongs su rdzogs pa mdzad/
rgyal yum de nyid ni gzhan las khyad par du 'phags pa zhig ste/ dgung lo bdun pa la bya bzang du ngor chen dkon mchog lhun grub la kyai rdor rgyu dbang gsan/ bco lnga ma la rtse gdong du bdag mor byon nas rje 'di sogs gdung sku mched gsum 'khrungs/ mkhas grub du ma las chos bsam gyis mi khyab pa gsan/ lugs gnyis la mkhyen pa che bas yab sras rnams kyis bka' bkod ltar/ rgyal rtse nas bka' 'gyur yongs rdzogs spyan drangs te rtse gdong du sbyar nas lo re bzhin tshar du ma 'don pa