[A:99]ba/ rje btsun grags pa rgyal mtshan gyi sku 'dra mi tshad ma sman sku'i rigs che chung du ma bzhengs pa rnams la rab gnas mdzad/ thugs dam rgyun bskang gi dkar mo ba'i gtor ma las bur chu'am sa zhag 'dra ba'i chu zhig yun ring por zegs/
lo de'i nag zla'i nyer gsum la dbon drung bgres bsod nams blo gros dbang phyug gshegs/ dgongs rdzogs rnams dbon drung sku 'bring byams pa bsod nams lhun grub kyis zhal bkod mdzad/ sde srid kyi ngor nas bzhes pa'i gos sku dang/ gsar bzhengs bzo grwa gong 'og nang bzhugs rten brgya phrag mang po/ dmar po skor gsum gyi sku che ba/ de dag gi 'khor lo rnams la bgegs skrod rab gnas sogs mdzad/ de dgun stod rtse gdong du 'khor tsam zhig phebs/ mgo zlar gzhis rtser phebs zhor gser mdog can mkhan chen rdo rje lhun grub kyi chos grwa der rab gnas la spyan 'dren zhus te/ pan mdar thab bsu'i sar mkhan slob bzhi'i chibs bsu dang/ dgon par gos sku zhal 'byed/ 'dus tshogs kyi ser phreng bcas bya rgod phung po'i chos khri'i steng nas mkhan slob dge 'dun skye bo du ma dang bcas pa la spyan ras gzigs kyi sgom lung dang/ phyi nyin byams pa'i gser sku chen mo lha khang dang bcas pa la rab gnas mdzad