[A:112]rin po che nas mda' dpon pad lcang lha rdzong sku tshab sogs mngags pas 'o brgyal rma thog shu brtsegs kyi rjes su snyegs pa lta bu dang / rim gyis don dam rdo rje lta bu'i sku mchog brnyes su zin pa'i rje rdo rje 'dzin pa chen pos kyang kun rdzob ltar snang dang bstun par mdzad de/ snyun babs lci bar bzhes rung / spyi bye brag gi bsod nams kyi mchod sdong chen por 'gyur med rdo rje gsum gyi rang bzhin du mdzad pa'i sku drin yang bskal par gzhal ba'i go skabs dang bral/ de lo'i gro bzhin badzra kI la pa'i sgrub mched dbu rtse rnying mar tshul shing rtsa 'chams nang du mdzad nas grub mtshams sa tshogs su mdzad chog dang nad thag phal cher khrums zla'i nang chod nas sgo rum steng 'og sogs su gtang rag mdzad de/ zla sked tsam la zhal ngo zhabs phyi rags bsdus bcas kha'u zhes pa pi cing gi skad du bzang po zhes pa dang / spo khu'u zhes pa ngan pa zer ba'i brda ste gong bzang po'i yul grur bdud rtsi sman chab la phebs te/ dbyug zla nas lam 'bras kyi 'gro rgyu dbang nas bzung bstsal ba dang / rjes 'brel rtsa rgyud brtag gnyis sogs gdan sa chen po 'di nyid na chos spyod bskang skor bcas mang du gsan pa sogs/ zla gsum tsam gyi ring chos char bdud rtsi'i zil dngar 'bebs par mdzad pa'i rgyu lam dbang gi bka' sgrub sogs kyi skabs rje rdo rje 'chang nyid kyis kyang zhal rgyas mdzad pa lags/ de skabs kyi bar seng rnams la yab rje mchog dang/ dbu byed ye shes rgyal mtshan/