[A:113]brtson 'grus ye shes sogs las bde kyai gsang gsum sogs gdan sa chen por bzhugs pa'i phyag len dbyangs rol sogs gsan sbyongs mtha' chod pa bka' drin bskyangs/ smin zla tsam la nad 'khrun yongs rdzogs chod nas/ mgo zla'i bde mchog sgrub mchod dang dus mdos sogs rje rdo rje 'chang nyid kyi thugs 'gan bzhes shing / dus mdos kyi nyer gsum nyin gang gi yab rje dam pa nyid 'tshams sku rnams la snyan shal 'bul bar phebs nas/ gral gsham du tshogs phyag mdzad pa'i tshe/ rje rdo rje 'chang nyid bzhugs khri'i steng mi tshud pa lta bu'i 'tsher nyams byung zhes bka' stsal to//
dgung grangs bcu gsum du phebs pa lcags bya rta zla'i nang tsam nas/ gang gi yab rje rdo rje 'chang nyid snyigs ma'i snang tshul la thugs skyo ba'i bka' kho na bstsal to/ /ring min chab bsags kyi snyung tshul bzhes/ yum sras rnams nas zhabs brtan rgya cher 'bad sgrub mdzad kyang / phyogs dgon ris med du gshegs rdzong dgongs rdzogs rgya cher gnang tshul/ mi ring bar thugs dgongs rdzogs thabs rin po che sna tshogs las grub pa'i gdung rten da lta rigs 'dzin lha khang na bzhugs pa 'di dang / lo zla dus kyi mchod sprin rgyun 'dzugs mdzad pa rnams/ gdung rabs rnam thar zhal skong du ji ltar gsung pa bzhin dang / zla ba de'i tshes 'gor mgon khang khag bzhir phrin 'chol/ sngon 'gro'i yab rje'i bsti gnas phun tshogs 'chi med rdo rje'i gur khang du/ rje rdo rje 'chang nyid dpal kyai rdo rje'i