[A:123]rnams la mchod 'bul snyan shal thugs smon rab tu gnas pa'i me tog 'thor gnang bcas dang/ chos skyong chen por dbu 'ching khrab gdan mdung ral gri zhags pa rnams dgyes rdzas su bstsal bas/ rnam bzhi'i 'phrin las sgrub pa'i zhal bzhes kyang phul/ de dus gong sa rdo rje 'chang lnga pa chen po rin chen mi thod brgya dang brgyad las grub pa/ rin chen sna bdun 'bur dod khyad mtshar can gong ma de nyid kyi sku tshe ril por phyag bcangs gnang zhing / bar skabs lum pa bar dad rten du 'byor bas des rmor chen rdo rje 'chang la phul pa rim gyis bsam yas sku rten par byung ba de/ rje rdo rje 'chang chen po'i phyag tu yar lam thar rtse rdo rje 'chang la phul ba da lta thar rtse'i nang rten gras su bzhugs par thos lags/ gang ltar rab grwa 'dus spyi sger so so/ sku brten pa/ rdzong dpon sogs kyis dngos 'byor zad mi shes pa dang chabs cig zhabs pad yun brtan gyi tha tshig zhu ba dang / tshes bcu'i gar 'cham gzigs 'bul/ skya ser bgrang yas la khrom dbang / a ra pa tsa na'i rjes gnang / gzhan yang phur chung gtor bsngo sogs kyi ljags lung bstsal ba sogs bstan 'gro'i mdzad sgo rnams grub nas/ rim gyi phebs pa'i tshe rtse thang 'bras gling dang nye skor gyi rdo zhig la blo gros chos kyi rgyal mtshan zhes pa'i yi ge rang byon du byung ba bzhin/ de la kun gyi rje rdo rje 'chang nyid la mtshan de bzhin du gsol ba dang / rab 'byams pa mdo sngags chos 'phel gyis