[A:125]'khrungs pa zhig rje rdo rje 'chang nyid zhal gzigs phyogs kyi rten 'brel gyi sarga'ang ma log par byang gzigs la zhabs drung nyid lho gzigs su thog mar zhal rgyas/ rim gyis gtam snyan bzhugs khrir chos sde'i thab bsu'i thog chos rje khu dbon gyi lo rgyus sogs zhib rgyas su phul/ bod kyi mkhar chags pa'i thog mar grags pa yum bu bla mkhar gtsug lag khang du mchod 'bul sogs kyi skabs/ rgyal rabs chos 'byung lo rgyus kyi bshad pa chu 'bab pa ltar gnang bas thugs yid 'phrog ste/ yab rje rdo rje 'chang / thar rtse rdo rje 'chang / brag rtsa ba chen po rnams nges shes gting nas rnyed pa'i bla ma dam pa rang yin yang / da lta'i sku gsung thugs kyi mdzad spyod 'di la dpags na bla ma 'di de bas lhag pa zhig med kyang mi zhan nges par 'dug dgongs pa'i thugs mos dang / bla brang gi sgo spe mkhan chen gzhon nu blo gros kyi gzim chung du gdan 'jags/ sang nyin sgrol dkar gyi gsung chog rgyas pa sngon 'gro'i zhabs brtan gyi tshe/ sku gsung thugs rten/ manDal/ zhal dkar stegs bcas/ gding ba gos kyi bla bre sogs rten 'brel gyi rdzas gya nom pa dang / spyi gso nas kyang dngos 'bul bla med bcas mdzad sbyor gyi mthar/ sku gsung thugs 'gyur med rdo rje gsum gyi rang bzhin du bzhugs te/ chos kyi 'khor lo rgya cher bskor ba sogs mdo rgyud dgongs 'grel dang bcas pa nas drangs pa'i lung rigs kyi legs bshad bstsal ba/ thugs kyi dpa' ber sim pa sogs kyi rkyen gyis/ da cha