[A:7]srid skyong ba las/ /zhabs lha'i gdung ngam phyis bzhugs gnas ming las/ /sgrol ma pho brang zhes bya'i gdung brgyud dang / gcung po kun rig zhabs kyis brdal chu'i nub/ /phun tshogs pho brang zhes bya gsar bskrun gyi/ /der bzhugs de yi gdung rgyud zhes bya byung / /de ltar gnyis las phun pho'i gdung rgyud ni/ /kun rin btsun mo bsam brling lte ba mar/ /khri chen kun bsod phyogs kyi glang po gnyis/ /gdung gnyis rje btsun gsum byon kun bsod kyi/ /bdag mo snying ri 'chi med tshe sgrol las/ /khri chen 'dzam gling dbang gi mtshan can dang / /'jam dpal dngos grub rgya mtsho zhes grags pa'i/ /gdung gnyis rje btsun mched bcas byung ba las/ /'dzam dbang bdag mo thon sras dbang sgrol las/ /da lta'i gdung rgyud zung dang rje btsun bcas/ /da lta 'tsho zhing bzhugs pa 'di dag go /yab rje padma bdud 'dul dbang phyug gis/ /khab bzhes btsun mo bar sbug mthong smon pa/ /rgyal yum zhing skyong dbang mo zhes bya'i sras/ /o rgyan gnyis pa bkra shis rin chen dang / /rje btsun mched sogs byon pa'i theg chen dbang / /mangga'i mtshan gyi dwags po lcang ra ba'i/ /rig ma bsod nams dpal sgron bu khrid sras/ /rigs brgya'i khyab bdag kun dga' snying po dang / /gsang bdag dpal chen 'od po rnam gnyis dang / /rje btsun mched gsum la sogs byon pa las/ /gang de'i ye shes bskyed grogs lha ri rtse/ /rgya yum 'chi med rig 'dzin dpal lha mor/ /lha rigs