[A:143]mtshams sngon 'gro'i stod las rdul tshon gyi dkyil 'khor sgrub gnang gis dbyangs nyis rdzogs sum rdzogs kyis gtor bsngo yan chad/ bde mchog sgrub mchod grol nas khal khar chos 'chad sa ma rub bar dang / de nas snga 'phros bskang gso bcas srod chen zin tsam la grol bar mdzad pa sogs/ so skye'i blo yul las brgal ba 'phags chen byang chub sems dpa'i bdag bas gzhan gces kyi rnam thar lhur bzhes 'di 'dra ni rje rdo rje 'chang de nyid la snga phyi rnam pa kun tu mang du mchis kyang 'dis mtshon par bya'o//
nyer gsum nyin phur bsnyen la bzhugs gdan 'jags rgyu'i snga dro dkar bdud kyi rjes gnang zhig bstsal te/ lha mchog rdo rje gzhon nu'i bsnyen mtshams la thugs gzhol ba'i tshe dkar bdud phur srung rnams dgyes pa'i rnam 'gyur du ma dang bcas zhal yang yang bstan pa'i rkyen gyis bstod pa rgyas pa 'di'ang de dus mdzad cing / tho rengs kyi cha 'ga' zhig tu srung ma de dag gis mchod pa kha gso ba dang / mchod med spar par rje nyid bzhengs par bskul ba sogs bstan srung mngon sum du bran du 'khol ba'i ngo mtshar mdzad pas dus 'da' ba'i skabs so//
dgung grangs nyer gnyis su phebs pa lcags rta lo phur pa'i ljags bsnyen skabs dbo zla'i tshes dgu'i tho rengs 'jam mgon gnas gsar ba chen po nyid zas gtsang sras por dngos su gzigs grol 'phral chos sde nyi zla zung gis dge 'dun rags bsdus rnams la bka' chos kyi bang mdzod