[A:148]gtor spod dang chabs cig zhal bzhi yum chen sring mo bzhi dang bcas dngos su bzhugs pa'i sprul pa'i g.yag rwa lnga sogs mgon khang steng du gdan 'dren gyis mtshan yang bsil tshal mgon khang du mnga' gsol/ de dang lhun rtse'i gtor spod sogs grol nas/ rang phyogs bu chen pa dang bsnyen gnas ma chos sde pa bcas la/ dbang rjes gnang lung la sogs pa'i chos bka' rgya che ba bstsal te/ de nas rim phebs kyis ngor e waM chos ldan 'dus tshogs/ bla khag zhabs drung / rigs bdag thar rtse khu dbon/ rje sangs rgyas ye shes dpon sku mched sogs la'ang mkha' spyod byin rlabs dbang lung du ma bstsal zhing / de skabs thar rtse rdo rje 'chang nas sngon du gcen lung la phebs skabs/ thams cad mkhyen pa dpal mchog rgyal mtshan gyi yab gzhis mkhas snga lho pa zer ba zhig gi nang du bzhugs dus rje de'i phyag rol gur mgon 'di nyid gzigs pas/ de dus thar rtse rjes phyag rol de gdan sar phyag 'byor yong ba'i phrin 'chol mdzad pa dus su smin te/ mkhas snga lho pas thar rtse khyer te 'di spus bsgyur mdzad dgos zhus pa bzhin/ thar rtse rdo rje 'chang dges pa'i gsung gis gong gi lo rgyus dang bcas rje rdo rje 'chang nyid la phul ba da lta'ang dpal ldan sa skya'i phyag rol drag gras gur mgon lha dgar grags pa 'di lags/ gzhan yang rje de nyid kyi phyag babs sgra dbyangs snyan grags sogs rol cha mang dag mchis so/ /de'i tshe bla brang so so nas legs 'bul dag spyi bye'i blo khams