[A:149]dang 'tshams pa'i mdzad pa rnams grub rjes gdan sa chen po dpal ldan sa skyar phebs gdong rten 'brel phun sum tshogs pa'i sgo 'phar gcig tu phye ste/ 'phags chen gong ma'i spyod tshul mtha' dag bdag gir bzhes pa bla ma zhi ba lha nyid thugs bskyed kun bzang smon lam can gyis nye bar drangs te/ dngos 'bul gyi bdog pa gya nom pa dang bcas zhabs pad ga la bar bsnyegs pa'i dge mtshan gser zhal la longs spyod pa'i skabs thugs bzhed kyi chos sgo dbye bar mdzad pa la gtso bo rdo rje phur pa'i stod las kyi/ smad las drag po sgrol dbang de dang 'brel ba'i rgyud rgya gzhung sgrub dkyil bod gzhung rje nyid dang bla ma gong mas mdzad skor/ gsung ngag rdo rje'i tshig rkang sogs zhal slob mchog gi thugs kyi bum bzang re ba'i bcud kyis gtams par gyur cing / de'i zla mjug zhal gyi bsnyen mtshams sngon 'gro'i gtor bzlog zor 'dzin mdzad dus kyang dngos nyams gyi mtshan ma bzang po 'khrungs shing / de nas nyi shar ba/ na ri rdzong chung ba/ dpal ldan chos skyong gi dbon po/ rgya dpon/ rab gling bla ma/ mes srong rgan gzhon/ zhwa lu nyi shar bla ma rnams la rim bzhin so sor 'dod chos rgya cher bstsal ba sogs te mdor na bstan pa'i bya ba thos bsam sgom gsum dang / mkhas pa'i bya ba 'chad rtsod rtsom gsum gyis rnam pa thams cad du dus 'da' bar mdzad pas/ dgung grangs bcu gnyis nas nyer gsum 'di'i bar du'ang kyai rdor rgyu dbang tshar lnga bcu nga grangs/ lam