[A:150]dbang nyi shu lhag tsam/ bde mchog nag po pa'i dbang bcu lhag gsang 'dus mi bskyod pa bdun tsam/ bdag med ma drug phur pa'i stod las bcu/ smad las bzhi/ mkha' spyod ma'i byin rlabs nyi shur nye ba/ kun rig dang tshe dpag med nga drug dang / rjes gnang ljags lung sogs ni bgrang ba las 'das pa zhig bka' drin che/ gong lo khams so sor 'khod pa ltar dang / gzhan yang rje rdo rje 'chang nyid kyi thugs nyams su nyin zhag phrug rer sgom sgrub chag med kyang nyi shu rtsa bdun tsam re bzhes par mdzad pa ste/ de dag kyang rje nyid kyi gsung las/ snang srid sgyu mar shes pa'i kun blo yis/ zhes gsungs pa bzhin snang srid sgyu mar rtogs te spang gnyen ro gcig khyab bdag sku bzhi ye shes lnga ldan gyi go 'phang brnyes su zin kyang / gdul bya rnams la don 'di dag legs par gdams te bstan mkhas kyi bgyi ba la dus rtag tu gzhol ba'i bdag nyid chen por lhun gyis grub bo//
dgung grangs nyer bzhi pa chu sprel gsar 'phral bzhugs thabs lhor spos gnang dang / de lo mus chen bsod nams dpal bzang dang / zhal dkar ngag dbang lags la bka' 'doms bzhin gur gyi mgon po'i las sbyor thun mong ma yin pa dang / tshogs bdag 'gab 'dre bse gdong can yang gnon par mdzad/ nag zla'i nang rje rdo rje 'chang sku mched nas brag rdzong ma'i las tshogs shwa bzlog rgya cher sgrub par mdzad nas/ sa gar thar