[A:158]bzhi thog tu bzhugs la sang nyin tshogs dung byung bstun byon cig gsungs pa bzhin mdzad nas sang nyin phebs khar yum gyi sku drung du byon gsungs pa ltar phebs par/ yum gyi gsung las/ da lam bdag nad 'di'i kha nas thar ba zhig mi yong bas/ des na nyid rang ni sku na dar bab lugs gnyis la mkhyen rlabs rgyas pa sogs blo kyog ma dgos/ 'on kyang bstan 'gro'i mdzad par thugs brtson che gshis sku 'khrugs ma byung bar mdzod/ gcung po 'di thugs sems chung la sku gcong che zhing zhabs 'debs ma thugs gyong ba sogs 'o brgyal rang byung dogs dang / sku tshe'ang ha cang ring ba zhig ma byung dogs pas/ nam bzhugs bar sku mched da lta bzhin thugs mthun pa dang dbu 'don yang dag mdzod/ gzhan yang rje btsun drung rnams dang zhabs phyi sogs la zhal mngag du ma mdzad mthar/ rgan mo nga 'das shul gang mdzad na'ang nyid rang nas mkhyen pas des ma 'thus pa gang yang zhu rgyu med gsung ma thag rje nyid kyi thugs la lta ba bka' rtags kyi phyag rgya bzhi gsal 'debs lta bur 'khrungs pa'i mur dar tsam mnyam par bzhag rjes/ gsung lan du/ da dung sku rim 'phrod bzhes sogs yang dag zhu bas yar skyed bzhes thub tsam e yong / ci ste ji gsung bzhin thog bab shar tshe gang ci'i zhal chems 'gyod med zhu/ gsungs pas yum mchog nyid thugs dgyes pa rab kyi rtser son/ de nas phur sgrub ring dang khrums zla'i bcu gsum bar res 'jog gis de nyin dbang khang na dpal