[A:177]dri med rnam gnyis mi 'khrugs lha dgu rnams rdul dkyil thog nas ci rigs dang / phyi dro'i tshe mgon khang du slad kyi phrin 'chol sogs kyi thugs brtson mdzad/ de nas rje rdo rje 'chang gi thugs dgongs la sku gshegs de'i zhe dgu zla mchod sogs la dge ba rgya cher ni mdzad zin/ lo mchod kun rig ni btsugs/ gzhan dge rgyun rang ma byung yang chog da ko gdan sa mdzes rgyan dngul gdung khyad 'phags shig byung na sku gshegs kyi dgongs pa rdzogs thabs kyang de bas lhag pa med pa dang / khyad par gdan sa chen po 'di la zhabs tog tu dgongs te thog mar dus mchod gtsug lag khang bkod legs mdzad rjes der bzhugs yul bgyid 'khrungs par/ sku mdog che skabs zhig gso mi rung ba'i rgyu mtshan sogs snyan sgron bzhin lha mthil sprul pa'i gtsug lag khang chen por sku gsung gi rten khyad mtshar bzhugs kyang thugs rten khyad thon ma bzhugs par dgongs/ mchod sdong 'dzam gling 'od gsal 'di nyid bzhengs rgyu'i thig rtsa thar rtse paN chen gsung la sangs rgyas phun tshogs kyis mchan gnang bzhin mdzad rjes byang chub mchod rten gyi shing bkod sogs bka' yis 'doms/ dbyug zla'i nang chos grwa lho byang pa/ yul chen pa/ nyi shar ba/ chos lhun pa sogs brgya skor la gsung ngag rin po che lam 'bras bu dang bcas pa'i smin grol bsdus tsam zhig mdzad pa ni 'di nyid 'chad thengs gsum pa'i skabs so/ /