[A:178]de mtshams nas 'dzam gling na blo ldan gzur gnas kun gyis bsngags brjod kyi me tog 'thor zhing 'dud pa'i yul du gyur pa mtshan mchog gsum ldan gyi gdung rabs rin po che 'jig rten na phan bde'i btsas su che ba 'di nyid spel ba'i phyir/ sdom brtson ngur smig gi brtul zhugs las slar ldog ste sngags 'chang gos dkar lcang los mdzes pa'i skur bzhengs su gsol bar/ lcang skya rdo rje 'chang / gnas sar rdo rje 'chang / 'jam mgon dpal ldan chos skyong / gzhung zhabs rin po che'i dgung blon chen po rnams dang bcas/ sde dge sa skyong / zhu chen rin po che rnams kyis thog drangs/ mdor na rje btsun sa skya pa'i bstan pa rin po che thugs la bcangs so cog nas gdung rgyud rin po che'i sku che ba'i lo rgyus zhib gleng gis sna drangs te/ gdung 'dzin gyi go sa rin po cher phebs dgos pa'i gsol 'debs nan tan chen po mdzad pa'i rkyen dang / rje rdo rje 'chang nyid kyang snyigs dus kyi bstan pa'i me ro gso ba la sngags 'chang chos kyi rgyal po dang 'jam mgon a mes zhabs kyi rnam thar lhur bzhes don thog tu 'gyur pa'i thugs bskyed dang / skye 'gro'i bsod nams mi dman pa sogs sgo du ma nas rten 'brel 'grig ste sngon bzhes pa'i dge bsnyen dang dge tshul gyi bslab sdom rnams gdul bya tshur mthong rnams kyi snang ngor/ de skabs mkhan po rnams myang 'das kyis mi bzhugs par brten/ sngon du gtsug phud phul ba'i rten thub dbang 'od zer 'gyed spyan drangs pa'i