[A:181]chog ljags rtsom gsar sgrig steng nas thog mar gnang ste/ sgo rum du gsung bskang dang sbrags gsang rgya'ang grol zhing phun tshogs gling du phebs/ mi ring bar rje nyid kha'ur sman chab la chibs bskyod skabs grwa lnga'i sgrub mchod chag med mdzad rgyu'i chas rnams 'gel khal dre'u phyir log pa sogs 'tshub nyams 'ga' zhig byung ba ni/ bdag mo de yun ring mi bzhugs pa'i ltas dang / gro bzhin phur sgrub grol nas mkhan chen gsar bsko dang bcas bca' yig le tshan du ma 'di rnams ljags sgrig mdzad/ dbyug zla'i nang de mtshams nas 'jam mgon gcung dam pa'i nang rten du bshad pa ltar/ lha chen 'khyam stod du mchod sdong 'dzam gling 'od gsal gser dngul sogs rin chen du ma las nang bzhugs sogs sgrub tshul gdung rabs rnam thar lo rgyus dang rnam thar chen mo zhib gsal mdzad pa bzhin dang / 'di nyid kyi rgyal mtshan 'dzugs chog dang rab gnas bsdus pa du ma/ rgyas pa kyai rdor dkyil chog dang 'brel ba zhi rgyas sbyin sreg bcas mdzad dus/ shangs 'ba' ra sprul skus bum pa bcud ldan kha rgyan can gyi thog drangs/ dngos 'bul gya nom pa'ang mchod sdong gi drung du bzhes shing / da'u dpon don yod nas gser srang brgya phrag gi 'bul ba'ang zhi ba'i sbyin sreg thog 'byor ba sogs ma bsgrigs lhun grub kyis la nye phun sum tshogs shing / bum pa ni da lta tshogs chen rnam rgyal sogs la mdzad pa 'di dang / gser de las 'og nas 'byung ba'i bum sgo'i gser sku rdo rje 'chang bskrun par mdzad/