[A:189]sems 'dzin gyi dbu tshugs nyin/ skyid grong gnas po gsung rab kyis/ ral gri yu ba la rdo rje pha lam gyi rgyan ldan zhig khyer nas glo bur du byung ba la/ rje rdo rje 'chang gi gsung las/ gsung rab dang ral gri dang / rdo rje pha lam gsum gyi ming bkra las bzang ngan ci yin shes ldan dag gis rtogs nus gsungs te zhal byang 'byar ba dang bcas da lta'ang dbang rdzas khang gi 'jigs byed phyag cha'i gras su bzhugs su gsol ba lags/ yang de lo gdan sa'i gtsug lag khang g.yu thog sogs khag bcu bdun tsam du bla re/ thang ka ting phor bdun tshar/ rnga/ dung / 'khar rnga/ 'thor snod/ DA ma ru/ nang mchod/ rol mo/ sil snyan/ phud phor/ pad sder/ sgo lcags sogs sbyor 'jags mang du mdzad pa 'di rnams kyang / gdan sa chen po dpal ldan sa skya 'dir ngo mtshar ba'i gtsug lag khang gi rten gzhi/ sprul pa'i lha khang chen mo rnams kyis thog drangs gtsug lag khang ji snyed bzhugs pa las/ bar skabs su si tu byang rgyal lha sa rdzong pa sogs bstan dgra gdug pa can rnams kyis nyams chag du ma btang bar sngags 'chang chos kyi rgyal pos nyams gso mdzad pa nas bzung / gong ma rim can gyis gces spras su mdzad pa'i rgyun bzang po mi nub pa'i ched dang / lhag par rje btsun sa skya pa'i gdung rabs rin po che 'dzam gling bstan 'gro'i dpal du myur bar phebs pa'i ched du dgongs par mdzad do//
dgung grangs so gnyis su phebs pa lcags 'brug lo nas bzung /