[A:191]ci yang ma byung / 'phral du 'tshub kyang 'gyangs min nas thugs 'dod 'grub pa'i la nye bzang bar ma zad/ dbu mthing bzhes 'phral snyun las grol tshul de bzhin rje nyid 'byung bzhi la rang dbang thob pa'i dgongs gzhi khyad par can no/ /de'i sang nas yang sngar bzhin snyun gzhi des zla phyed tsam skyed ma bzhes tshul gyis thugs nyams 'ur te/ sman bcos rnams chab la bskyur nas/ sngar nas 'od gsal du 'khrungs shing phyis su rjes gnang yang gsan pa 'jam dpal nA ga rakSha'i bsgom bzlas bsrung skud bcas mdzad pas/ zhag shas nas klu mang po zhig shi ba'i mtshan ma 'khrungs te snyun las grol ba'i tshul mdzad/ snron zla'i mjug nas zla gcig ring rnam 'dren dam pa de nyid/ gnas gsar rdo rje 'chang chen po'i sku drin gsob ched dang / rje btsun sa skya pa'i sde bstan pa gdung rgyud dang bcas pa'i sku rim du/ rwa tshar thun mong ma yin pa'i lugs 'jigs byed bcu gsum ma'i sgrub mchod brgya tshar grangs gsog mdzad skabs kyi chu stod zla ba'i tshes bcu gcig nyin gnas gsar rdo rje 'chang zhi bar gshegs pas dgongs rdzogs kyi go chod byung ba sogs/ lkog gyur rjen gsal gyi thugs mkhyen yin pa la bsnyon du med cing / dgung zhag nam rdzogs bar mkha' spyod ma'i sin dkyil sgrub mchod chag med kyi sngags sdom oM gsum ma nyi khri dgu stong bzhi brgya tham pa/ sku stod lnga stong nyis brgya go gnyis/ mchog sprul myur 'byon zhe dgu rnams mdzad cing / de lo ga ya dha ra'i bu chu'i snod