[A:193]drung sna lnga'i mchod pa 'bul gnang dang / gzhan yang gsung gi bdud rtsi bzhes pa rnams bstan 'gro'i ched so so'i skal ba dang mthun par spel gnang dang / rje btsun sa skya pa'i bstan pa'i rtsa ba 'khon rigs dri ma med pa'i gdung rabs spel bar bka' bstsal sogs ngal ba lhur len gyis dpal ldan bla ma dam pa'i dgongs rdzogs su stobs pa dang / sngon du dgung grangs nyer gnyis thog gi spyan ltas ngo mtshar can de bzhin dang / de lo khrums zla'i tshes gsum tho rengs gnas gsar rdo rje 'chang dpon g.yog tshang ma sa skya'i bla brang phun tshogs gling gi dbang khang du mjal bar/ ga ya dha ra'i bum chu'i snod la skyon tshul de zhu gnang la/ skyon med 'gro gsungs shing / rje de la dgongs rdzogs 'bul rten yin dgongs pa'i khyad mtshar gyi gos phon chen 'bul nyams dang / zhabs gras sbyin rgyam yin snyam pa zhig gis/ yig brgya mtshal dam ma zhig phul nas rje bla ma snyun skabs pad dkar sprul sku'i lung bstan de 'di yin zer ba kha phyed nas gzigs pa tshigs bcad kha shas byung ba thugs dran mi gsal ba'i tshul mdzad/ yang skabs shig gnas der gnas gsar rdo rje 'chang nyid bzhugs te maNDal tshom bu du ma zhig gi mthar mchod gtor bshams nas phur pa'i dbang sngar gsan ma myong ba zhig bstsal ba dang / gzhan yang rnam 'dren de yang yang phebs te rje btsun sa skya pa'i zab chos kha shas la bskyar chos mdzad pa dang / sku'i rnam 'gyur zhi khro du ma'i sgo nas lugs gnyis kyi blang dor