[A:207]'brel shin tu legs pa ni/ sngar nas ma bsgrigs rang 'grig nor bu'i do shal 'di'i thog drangs spyan gzigs du ma dang / 'phags pa rin po che'i dbang ting dzhiM kShim mar mchod bshoms kyis tshogs bdag gi bskang ba thog ma de tshugs par mdzad pa'i spyan 'dren dang bstun/ kha'u phyogs nas kha ba bu yug 'tshubs sogs lha 'go ba'i rtags dang bcas/ gsung bskang yongs rdzogs nyin khongs su grub par mdzad/ de dus yum yang snyun gzhi las grol bas yab yum zhal gyes te dmar po skor gsum gyi sku par 'debs gnang / tshes dgu dang bcur yang tshogs bdag bskang gso gnang mu'i dgu'i srod 'khor tsam nas bzung / kha ba cung zad 'bab mur sku gdung rin po che bltams ran pas/ rje rdo rje 'chang nyid thugs lhag par spro ba'i ngang nas rgyal tshing sogs de skabs kyi zhabs phyi rnams la srung 'khor/ srid pa ho'i tsakli bcas 'dogs par mdzad/ gang la gang dgos sngags dang rtsis sman nas bshad pa'i nyer 'kho mtha' dag bsdu mdzad cing / yum la'ang gang ci'i bka' 'doms lhu 'thing zhib lhug stsol rjes rtsa ba'i bla ma dam pa dang dbyer med rje btsun rin po che grags pa rgyal mtshan dang / sangs rgyas sman bla/ rje btsun sgrol ma rnams la thugs smon gsol 'debs rtse gcig tu mdzad kyin bzhugs pas/ sngar gyi kha ba char du gyur nas ches cher nyil ba dang chabs cig sku gdung yid bzhin gyi nor bu rin po che yum la gnod pa med par bde bar sku bltams