[A:223]gsang sngags gsar ma mdzad pa'i 'byung khungs kyang bstan pa phyi dar gyi lo chen rtsod bral grub pa'i sar bzhugs bla chen 'brog mi las rgyud sde'i nying khu dpal kyai rdo rje'i bshad bka' gsan/ de'i man ngag 'dzin pa rnams kyi nang nas 'gran bral se ston las man ngag yongs rdzogs bstan pa rin po che nyams len gsan te grub pa mchog gi go 'phang mthon por byon pas yon tan tshad bzung med cing / spyir btang la'ang da lta'i bar du sku pur ma nyams par bzhugs pas gdung rgyud mi nyams shing / klu'i gnod pa che rigs kyang mi 'byung ba sogs grub pa'i rtags mtshan yod pa de dang / yang sgos 'phags pa rigs gsum mgon po'i rnam sprul rje sa chen yab sras dbon rgyud rim byon rnams zab don rdo rje theg pa'i mnga' bdag kho nar ma zad thog mar rdzogs pa'i sangs rgyas kyi phyag nas rgyud sde rgya mtsho'i bstan srung thun mong ma yin pa gur gyi mgon po'i snang brnyan bse 'bag yid bzhin nor bu sku gsung thugs yon tan 'phrin las rten man ngag mkha' 'gro'i thugs rgyud dang bcas pa zhal gzigs pa nas bzung mkhas grub dam can las 'khol sha stag byon pa'i rjes 'jug dbang gis smin cing / dus grangs kyi bsnyen pa mthar phyin pa 'don pa lag len byang chub mang zhing / 'ga' zhig ni de'i khar gdams ngag yongs rdzogs thob cing / nyams khrid bskyangs pas bskyed rdzogs kyi go myong yang yod pa rim can du byung bas na/ 'gro ba thams cad kyai rdo rje'i rang bzhin du rnam par dag pa lta ba sogs gsang