[A:225]dgung grangs so drug tu phebs pa shing sprel rgyal zla'i tshes gcig lo gsar la 'phyar dar tshang ma dkar po dang / tshogs pas gos ber gyon pa sogs sngar srol med kyang khyad mtshar mdzad pa dang / tshoms chen gnam yangs la nor bu'i do shal thog mar 'grems gnang gi skabs dang / bzhugs gral thog ngor gyi zhabs drung yas mas/ sde dge sku tshab rnams kyis thog drangs/ gzhis byes kyi sku mgron rnams tshogs dus sde dge nas gzungs grwa lnga'i sku sgros gtsang rnams phul/ de nas gtor spod rnams mdzad mur mnga' zhabs tshang ma dang / gzhan yang 'ga' zhig nas bro gzhas nyams dga'i rtsed 'jo yang phul/ nub gcig rje rdo rje 'chang chen po tsha ba'i snyun che tsam phebs kyang sang de gar song cha med du dengs pa'i tshul mdzad/ zla ba de sku gdung rin po che zhal gzigs nas bcu pa sku mdog tshul de yin pa bzhin/ rje nyid nas grub rgyal ma dang lcags sdong / rta mgrin skyer sgang / bla ma zhi khro/ lcags sdong lha mang bstsal bas sku gegs dbyings su yal/ rta zla'i tshes gcig nas dgung skeg snga bsu'i mtshon phyi skyel bcas zhi ched/ sku tshe tshe chog lo gsum ma bcu tshigs rgyas pa'i sbyin sreg bcas tshugs pa'i snga dro dam tshig phyag dril theg chen ma khyad mtshar re skyon can du gyur pas nyin gang thugs grang stong nge byung gsungs/ lo gsum ring theg chen gan dril gzhan zhig gnang ba yang mi ring bar gas 'dzer du song ba dang / phyis kyi dam tshig phyag dril 'di ni 'jam mgon mthu stobs