[A:228]'chang nyid thugs spro ba'i ngang nas sgo rum nang so sogs su phebs te/ sngar sku bltams dus gtang rag la phul ba'i lha mdung la dar yug ring mo re gsol bar mdzad nas skyed lhas bsam brling gnyis la gtor spod gras su phyag legs par phebs so/ /mgo zla'i tshes drug gi tho rengs 'od gsal du/ si tu grongs pa'i rkyen byas te sde dge blo gros rgyal mtshan nyid shin tu mya ngan che nyams kyis nang mun ne ba zhig gi ka drung na zhal byang gzigs su bzhugs te/ si tus bka' 'gyur rin po che zhu dag mdzad pa sogs sde dger sku drin che tshul du ma gsungs shing / rta rkyang pa'ang brgyad cu tsam byin pa yin gsungs pa zhig 'khrungs so//
dgung grangs so bdun du phebs pa shing bya rta zla'i tshes gcig nas rnam sras bskang ba zla gang ma mdzad/ dbo zla nas mkhan chen tshos bkra shis sogs la sa skya bka' 'bum gyi ljags lung yang tshugs shing / rgyal yum zhabs 'bam gyis snyun par sman chab la phebs pas ngo je gsal du song nas bcos rnams mdzad mur/ zhal dro'i 'jim sku rnams bzhengs zin nas rab gnas brgya tshar tshugs dus snga dro zhig sa skya'i nub phyogs su 'ja' tshon ya mtshan can zhig shar bas rab gnas la dge ltas su gzigs/ de nas sde dge sman bla dkon mchog grags pa sogs la dbang bka' rjes gnang 'thon phyag sogs rim bzhin gnang nas/ snron zla'i nang mdzod 'dzin dbus phebs shig dang bstun shab chu rags la zlos skor gyi 'go zug