[A:233]de skabs yab rje rdo rje 'chang de nyid rje nyid kyi 'od gsal du yang yang du dgyes nyams can du phebs te/ dbugs dbyung gzengs bstod kyang bstsal zhing / dus rtags dang bstun bsam yas su rgyal po sku lnga dang ya ba skya bdun gyi rten mdos kyang 'dzugs par mdzad/ de nas 'char 'phar gyi bstan mkhas bgyi bas dus 'da' bzhin par/ sa ga'i tshes gnyis gsum skabs ri bo che nas grub chen thang stong rgyal po'i rnam thar snga bsgrigs su grags pa par ma zhig phyag tu son pa ljags klog gi mu dang / tshes gsum nyin ban tshang par rje nyid nas gsar btsugs mgon mdos dang / dam tshig bskang ba'i phyag char sbyor 'jags kyi sder dril theg chen 'dra cog dngos gtsang 'ga' zhig sgrig gnang de'i sang shar ma skya tsam zla lag chu nang 'phrad pa bdud rtsi sbyor ba'i thog sku gdung rin po che bltams ran pas gang ci'i bca' sgrigs chu lug bzhin mdzad de/ bde bar bltams pas legs so bkra shis kyi mnga' gsol sogs gnang / nyi shar thog gzim chung rtser rje nyid nas lha bsangs mdzad rjes tshe dpag med kyi sku/ rnam rgyal sgrub thabs rjes gnang / dza bir/ sdom rig rig gnas skor/ rdo dril sogs sku gsung thugs yon tan 'phrin las kyi rten/ bdog pa'i dngos po dang bcas thugs dgyes bzhin du bstsal te shis brjod kyi me tog dang / rim bzhin tshe dpag med kyi bka' dbang sogs gnang / de nyin mdzod 'dzin nas zhal dro lha khang gi mchod kong gser ljang ma 'bras bus phyur te