[A:235]rgyas dngos su mthong na/ de dang mthun pa'i byin rlabs 'jug par gsungs pas na/ dam pa'i spyod tshul kho na dang rgyas par rnam thar chen mor gsungs pa bzhin no/ /de nas rim bzhin ril sgrub 'phrin 'chol sogs dang / gong gi rten 'brel rnams dang bstun dar dkar la mtshan gyi mnga' gsol 'dri bar mdzad pa ni/ phan bde rgya mtsho'am e waM bzang por gsol ba'i rgyu mtshan sku mched gnyis byon pa dang / 'khrungs dus rdor dril mang du sgrig par mdzad pas na e waM/ brtson 'grus bzang po'i mtshan mtha' bzang por gsol bar mdzad lags/ ril sgrub skabs bsam yas su gnang rgyu'i dbu 'ching / rgyal mtshan jus dkar sogs bka' 'doms dang / de dus rje nyid dang rgyal sras gcung dam pa cung zad snyun tshul yang srung 'khor ljags sngags sogs rim gro'i rigs nan cher mdzad ma thag yab sras sku dkyil gsal bas ril sgrub gtang rag dang / chu lug gnang bzhin lha mo gsol mchod gzab gshom legs 'bul rim gro rnams mdzad dus tshogs chen dbu chen bsod nams bstan 'dzin 'khod 'phral dang / snron tshes drug nas zla gcig ring mgon khang yod do cog tu bstan 'gro'i bde thabs la ched dmigs gsung bskang thog snyan shal 'dod gsol can rnams bstar zhing / tshes drug la phun gling rtser gser zangs kyi rgyal mtshan zung gsar 'dzugs dang sbrags gzim chung steng thug gsum gnas spo'i thug 'dzugs gnang ba'ang gung ma lcam dral/ nub ma zhal gtso 'khor/ shar ma las