[A:250]khra rin po che'i dgongs don ltar/ mtha' dbus bde thabs ched bsam gling du gsung bskang rgyas pa dang / nyer bdun la nang sor gser zangs kyi rgyal mtshan zung dang srid zhi dpal 'khyil du gser zangs kyi gambhi ra/ rgyal mtshan/ maNDal sogs gzungs ldan du sgron par mdzad/ rta zla'i mjug sde dge khams tshogs 'ga' nas/ bse mgon mjal zhus kyi rkyen pas zhal mdong nang gi gseng 'thag rnams dang ljags bcas zhal nas phyir phyung te sku stod 'og tsi na phan tshun gzings shing brkyangs pa'i tshul gyis shin tu 'jigs pa zhig byung ba rdo rje 'chang nyid nas/ zhal nang du gseng theg mdud sdom dang / sku rgyab gyang zer la gtod pa sogs gang dgos mdzad pas nyes skyon ma byung yang skyed ston rtsis pa sogs kyi mo lung la babs pa sogs zhabs rim tshar phyin mdzad/ sde dge zhal ngo bstud mar gshegs pa dang sku tshab dmag 'gro du ma byas pa'i grib rkyen du ngos 'dzin mdzad/ gzhan yang sgo rum skor la sngon du yab rje mchog nas bse mgon la nyams gso mdzad dgos yod 'gro bstsal ba mngon du gyur gsungs/ gzhan yang gzigs snang mang du 'khrungs tshul yang mchis/ de mtshams nas bde mchog nas gang gi a lce drung mchog gsum snyun gyis thebs pa gam du phebs pa nges 'byung lhag par 'khrungs pa dang bcas sman rim mang du bcad nas sku mi 'tsho ba mkhyen 'phral zhabs mjug dge rtsa bka' 'khor gyi bsdom/ sku gdung rin po che zung la tshe chog dang sbrags tshe dbang yang