[A:256]te mchod bsngo yang dag dang / mjug chog rnams grub nas/ mgul la bkra shis pa'i lha reg gis spras shing / rdo dril rnam rgyal bum pa sogs bsnams nas tshoms chen du rab ston la phebs thog zhal ngo sogs rim bzhin legs 'bul gyi skabs 'jam mgon gzhon nus phyag dbang thog ma gnang ba'i dus/ rab ston nyin gang ma grol 'phral sa rub tsam la kha skong sbyin sreg tshugs te srod chen la grol bar mdzad pa ste/ rab 'byams rgyal ba kun gyi drag po'i 'phrin las gcig bsdus dpal 'phrin las kyi mgon po dam can mon bu pu tra chen po'i snang brnyan ring bsrel rnam bzhi spyi bye brag gi bdag nyid rab tu gnas pa thun mong dang thun mong ma yin pa'i sgo nas ye shes sems dpa' sgrub par mdzad pa dang / bzhugs gnas nang so pu tra khang nyams gso gsar bzhengs drag po'i gzhal yas khang tshad dang mtshan nyid can du bskrun pa dang / gu ru rin po che'i phyag bzo zhal 'bag dang / bla chen 'phags pa'i thugs dam ma gur dang / sa lo'i thugs dam pu tra'i sku sogs la nyams gso ngo mtshar can dang / khrag mtsho'i snod zangs chen bkra shis 'od 'bar la nyams gso bzhugs yul bkod legs/ yi dam chos skyong spyi dang bye brag las mkhan dbang po'i rnam drug rten dang gtor ma gsum la sogs pa rje btsun sa skya pa'i sde bstan pa gdung rgyud dang bcas pa'i 'thas su yang dag par mdzad do/ /chog mang skabs su nub gcig gzigs snang du bud med mchor mo dang hrul mo mang po kun rang gzhas byed