[A:259]ma khyer mis ma theg pas nyen bslangs/ zor 'phen phyogs su zhal bubs la khad kyi nyams dang / rlung phyogs kyang legs shing / bya khra mar mdun gyi shul 'dren mtshon pa'i bu mo rnams nas zhing steng du mda' dar drang por btsugs pas/ rje nyid kyi gsungs las/ mi 'gyur tshe yi ka ba tshugs rtags su 'dug gsungs/ smin zla sngon mar nang so mgon khang du/ rten mdos/ rtag gtor sogs 'dzugs gnang skabs mdos gzhung dam pas mdzad pa'i mgon mdos rgyas pa dang / pu tra'i sger mdos/ bskang gso/ mdos kyi phyag tshad yi ge rnams gung bsgrigs/ gshom dang 'don 'grigs dbyangs rol bcas rje nyid nas zhag 'ga' gnang bas ngo mtshar ba'i rtags kyang mang du 'khrungs shing / de mtshams nas rje rdo rje 'chang nyid kyi thugs bskyed rmad du byung bas/ gdan sa chen po 'dir rig gnas kyi slob grwa 'dzugs bzhed ring mo zhig nas 'khrungs pa de nyid phyag tu son te/ mkhas dbang zhe chen drung yig 'byor zhing chos grwa lho nas grangs bcu drug thog mar slob grwar bkas mngags te 'phags chen mchog gi spyod par thugs gzhol ba'i skabs so/ /
dgung grangs zhe gnyis su phebs pa lcags stag dbo zla'i nang / sog yul ha la shan nas dwags po sprul sku 'byor bar sdom gsum rab dbye'i ljags lung zhig bstsal/ nag zlar mdzod 'dzin par rang re'i lha khang chen mo 'di byang shambha la'i rigs ldan gyi pho brang rtser 'gran zlar mchis na ma