[A:262]dang bkra shis rnam par 'phel/ zhes pa'i bar shlau ka so bzhi rje nyid kyi gsung dpal ldan sa skya pa'i chos srid la dge legs 'byung ba'i shlau ka gcig ste skas them gyi grangs dang mthun par mdzad dgongs pa ni bkra shis kyi tshigs bcad de dag so sor gsal ba dang rgyas pa rnam thar chen mo bzhin dang / skas 'go'i sgo nang du rje nyid khri'u shing la chos dung rin po che bsnams bzhin par bzhugs te/ yar 'gro tshang mar phyag dbang rdzogs nas/ rtser lha bsangs skabs bya rog snum bag can gsum 'ongs te dbus ma'i mchu yas mar gyis dkar po byas te/ gsum ga rje'i zhal dkyil la blta bzhin du skad snyan sgrogs par byed do/ /de dus zhal ngo byings rnams theg chen pho brang du bzhugs shing / bka' rams nas thigs g.yab shar gyi byang du tshe chog bsgrigs pa yan gyis de'i lhor 'dul lung sde bzhi/ 'bum sde lnga sogs gsung sgrogs/ btsun chung rin sgang rnams nas chos spyod/ byings rnams mkhar thog khud yangs su bsdad/ dga' ston gyi spro zas sogs bstsal te rim gyis lha khang byang gi skas la btang / de nas theg chen pho brang du phyag nas dang / mdzod nag gtor spod/ phyi dro sde yangs su kong gzhas sogs legs lam dpag med mdzad pa de'i tshe lha chen steng gi rten grags che ba rnams dang / chos dung rin po che sogs la snyan shal 'dod gsol can re 'bul bar mdzad/ de'i sang dge tsha dang / de mtshams nas mdzod 'dzin bla brang mchog tu gtan tshigs zhu bar phebs