[A:265]gyis gang zhing rlung yang ldang ba bcas cung zad 'tshub nyams dang / 'jam mgon gcung rin po che sku rgyab tu gdan 'dren gyis mnal thog brdal la sgang bzhugs khrir phebs tshe thugs nyams spos kyis mnal sad pa ni/ mdo sde rnams las/ de bde bar gnyid kyis log cing / bde bar sad par 'gyur ro/ /zhes gsungs pa bzhin dang / phyi skor 'khor nas rje nyid kyis mchod bsngo rgyas pa dang / bstan bstan 'dzin spyi bye brag snod bcud bcas la gnas skabs mthar thug gi bsngo smon bkra shis kyis mtha' brgyan pa bcas stsol nyin nyi ma'ang gzhan las ring bar byung zhing / de tshe rje rdo rje 'chang chen pos 'dzin par mdzad ces gleng bar gyur to/ /de mtshams rtse sku yon khang dang / gsol thab yas mas rnams gsar bskrun gyi zhal gro ji ltar mdzad pa dang / der gdung sras sku mched nas sku yon gsan sbyong ji ltar gnang ba sogs 'og tu 'gro mgon dbang sdud snying po'i rnam thar du byung ba bzhin dang / de sngon tsam nas bla brang rtse shod dbus phebs skabs sku tshab zhig legs skyes 'bul bar mngags/ tshes dgu'i nyin skyed lha me 'bar gyi mgon khang gi g.yas g.yon ri nas shag ma cher nyil ba dang / de sngon snron dang gro bzhin nang la'ang zhal gyi cho 'phrul sna tshogs byung ba rnams zhi phyir/ rje rdo rje 'dzin nyid chibs bskyod kyis skyed lhas lho ri'i spang steng du lha bsangs/ phyag nas bcas dang / mgon khang du gtor bsngo bskang ba so so nas brgya tshar sogs spyi bye'i bstan pa thugs kyi dpal