[A:267]zer ba zhig 'khrungs pa bzhin/ rje nyid kyi gsung las/ bden min ci ltar yang phan du re nas dril bu gsung bskul rlung g.yab/ zhal byang smon lam bde skyid dpal ster bcas ngo mtshar du phul ba yin gsungs/ de'i sbyar byang du/ ces ma 'ongs lung byang rnams las/ lnga brgya tha ma'i dus 'dir bal bod mi rtag sgyu ma'i snang tshul ston par gsungs pa'i dus der slebs pa lta bu'i gangs ri'i ljongs 'dir mchod yon du ma zhig la 'pho 'gyur rim can byung ba dang / nged rang dran nas rang lo bcu bzhi lon pa nas bzung bzhi bcu zhe skor lon pa'i bar bal yul du dus 'khrugs che chung sna tshogs rgyun ma chad cing / mthar rgya gar sogs yul gru gzhan la'ang brdab zings langs pa lta bu shar skabs bstan 'gro bde skyid brtas phyir phul ba yin/ gsungs pa'i skabs su/ ngo mtshar gyi rnam thar 'di ltar gleng ste/ de'i tshe gnya' nang sho pa zung gi yi ge las/ 'di nas bang mi bal yul la 'gro skabs yo mo'i chu sogs 'bab pa'i chu chen zhig la/ rong phyogs kyi gru shing gzhong lta bu zhig rgyag dgos 'dug pas gru de rdo la thug pa lta bu'i rkyen gyis chag nas bang mi gru mkhan sogs chur shor 'dug rung / skyabs mgon khyed rang gi thugs rjes chu chung sa zhig tu bang mi gru mkhan chag sogs dang de ga nas gnang ba'i dril bu bka' tham sogs la skyon med byung ngo / /dril bu mchod rten chen po'i shar phyogs su chos 'khor bcu gsum gyi gsham du bzhugs pas gsung sogs 'gran bral du 'dug