[A:272]rje rdo rje 'chang nyid kyi sku 'phrang 'tshub ma zhi ba'i rtags su gor ma chag go /de lta'i skabs rgyal khams su rje nyid kyi ljags chu rims srung sogs kyis phal cher khyab cing / gong gsal gyi thugs bskyed de dag bcas nyid kyi sku drin gyis bskyangs so zhes pa'i sgra sgrogs pas brel ba bzhin don la'ang gnas so/ /sa zla'i mjug thas se tA la sbo shog thu'i gsung mngags zhib cha bcas/ bla ma sangs rgyas don grub dpon g.yog 'byor ba rje nyid ril sgrub bcad rgya 'grig pas zhag 'ga' sgug thog nas/ rten 'brel rab la sgrig mi dgos par 'grig pa ni/ snron zla'i tshes gnyis la 'jam mgon khams gsum dbang sdud nyid kyai rdo rje'i rgyud 'don la thog mar phebs dus bla ma dpon g.yog la 'byor phyag thog khong tshos mgul la bkra shis pa'i lha dar phul ba dang / tshes gsum nyin sprul pa'i lha khang chen mor zab pa'i yang rtse bla ma'i rnal 'byor nyams bzhes pa mdo sngags tshogs yongs kyi dbur rje yab sras byon thog dam tshig 'gyur med bas se phyag rdor skyabs kyi gsung shog rten gya nom pas thog drangs/ maNDal gyis gtsos dngul bre chen mang po'i 'bul chen mdzad pa sogs dge legs rten 'brel bzang po rab 'byams rgyal ba'i zhing khams su'ang khyab cing grub par gyur to/ /de nang chu stod dge tsha dang / bco lngar zhal dro lha khang du rje nyid kyis deb sgrigs bzhin bstan don rgya cher mdzad pa ni rnam pa kun tu'o/ /gro bzhin phur sgrub nyer gcig mus chen mchod bsngor dpal 'khor lo bde mchog gi rnam sprul yin pa'i bsngags