[A:275]mgur zhig mdzad byung ba la/ de'i gsung lan rje rdo rje 'chang nyid kyis sa skya nas 'bul gnang gis phar gsan tshur gsan shin tu gsal bar 'khrungs kyang tshig don ji bzhin ma nges/ zhes gsungs pa 'di dag ni/ nye ring kun la snyoms pa tshangs pa'i dbyangs/ zhes gsung gi gsang bar mnga' brnyes pa'i brda'o/ /sngon sngags 'chang nyid la sa lo tswa ba 'od gsal du byon nas lung bstan phul du byung bar bstsal ba bzhin/ rje nyid la'ang sngags 'chang chos kyi rgyal po zhal gzigs kyi dka' gsang rmad du byung ba grol ba ni gor ma chag kyang / de dus su ma zad/ dus gnas dang bstun par mdzad de gnad che bar 'ga' zhig gi tshe rnam pa kun tu ma nges pa'i zol mdzad cing / gzhan du bsnyel ba mi mnga' ba'i ngang tshul bzang po rje nyid la mnga' ba ni ma bcos lhun grub bo/ /tshes brgyad nas phun gling dbang khang du sras yum rnams la/ kyai rdo rje'i rgyud dbang rdul dkyil steng nas dang / aShTa'i bzlas lung bcas rgyas par bstsal ba de ni/ 'jam mgon gcung rin po che gong gsal gyi lhums zhugs thog go chod par zhal gyis bzhes pa'i dbang de dang / sku bltams nas 'di nyid smin byed kyi thog ma rang yin par nges la/ de dang mu sbrel zhu dbon ngag dbang dge legs dang / mkhas dbang zhe drung slob grwa dge rgan bcas la'ang bstsal zhing / rigs cha rtsa rgyud sdom gsum rnam gsum rnam gnyis bcas kyi tshogs dbu dang / chos lhun mkhan gsar la mnga' gsol sbyangs khrus/ 'jam