[A:22]tshags mdzad cing / yab rje mchog nas ka phreng sogs 'bul gnang skabs tshegs med du mkhyen pa sogs thugs rab kyi bdag por mnga' gsol gyi sgo dang po'ang 'di nas dod de/ ji skad du/ chos kyi ma mo ma bslabs thugs su chud/ /ces pa'i gras su zhugs shing / de skabs yab rje mchog gis mtshon legs po'i rten 'byung gras gra tog gser gsum gyi glegs bam phyag tu son pa ni/ rgyal ba'i bka' mdo rgyud dgongs 'grel man ngag dang bcas pa'i bdag por 'gyur ba'i 'bad med lhun grub kyi rten 'brel du gdon mi za bas/ rje rdo rje 'chang nyid kyang 'di la de dus su rten 'brel bzang po yin nam dgongs pa 'khrungs pa don gnas su shes ldan gzur gnas kun gyis mkhyen gsal ltar lags/ zhag shas nas gnas slob bzod pa bkra shis kyis/ sku zhabs rin po cher thugs brel stabs gdung rgyud rin po cher sku yon kho bos zhabs phyi zhus na gsungs ba bzhin zhal bzhes bstsal bas/ bzhugs g.yab shar du sger chod gnang ste/ rten khri der brten bcas sgros ldan chung ngu dang / rig 'dzin bla rgyud sman thang pa'i phyag bris ma 'grems par mdzad de/ snga dror thugs gnyer phur sgrub sogs 'khyug tsam gyis bde blag tu khong du chud/ de nas yab rje mchog gis sgrub thabs brgya rtsa'i rjes gnang re dang / sa skya bka' 'bum ljags lung thun re/ phyi dror skyor sbyong phran bu re mdzad/ 'di tsam zhig la re zhig rje rdo rje 'chang nyid a lce drung zung bcas gnas bcur bzhugs skabs shig rje nyid