[A:285]gzhan yang chos bka' 'dra 'bul rgyu yin dgongs pa zhig 'khrungs so/ /zla nang der 'brug sde srid rnying pa bsod lhun bod la bros nas rgyal rtser mchis dus/ dam pa'i rang bzhin 'gog med kyi gzigs pas gnang cha gya nom pa bstsal bas/ khong pa shin tu mgu zhing slad nas zhabs phyi yang dag zhu rgyu'i tha tshig phul zhing/ 'di 'dra'i rigs kyi thugs bskyed gzhan yang mang du mchis pa'ang 'dis mtshon nus so/ /khrums zla'i tshes gsum tho rengs zhal dkar ngag dbang lags rig 'dzin pho brang na thugs dam gnang mur/ mnal du song ba'i rmi lam du/ rje rdo rje 'dzin nyid 'grul la phebs zer rgya gling gtang byung ba'i mod gzigs pas/ rje rdo rje 'chang nyid ma gzigs par thugs skyo lhang byung/ de ma thag rje nyid kyi gsung las/ bstan ma khyod ni mya ngan ma byed cig /nga ni da dung 'bum tsam 'tsho bar 'gyur/ /gsung ba gsan cing/ dbyug zla'i bcu bzhir sa chen yab sras gnyis ka'i dus chen dngos dang/ gzhan yang tshes mchod bzung ba sogs kyi dbang du byas na/ chos rje sa paN/ rong ston thams cad mkhyen pa/ sngags 'chang chos kyi rgyal po rnams kyi dus chen nyin/ gdan sa chen po'i dri gtsang khang rnams su sna lnga'i mchod stong/ lha chen 'dus tshogs su bsnyen bkur gya nom pa'i thog rgyal bstan rin po che spyi bye brag dar brtan gyi thugs smon dang chabs cig sngon du mdo sa skyong blo gros rgyal mtshan yab sras la chos sbyin mi zad par par gyi 'phrul 'khor bkas dbang