[A:292]'dzin kha che paN chen gyi lo rgyus ltar/ rje nyid kyis thog ma'i rten 'brel de dag la gnod par dogs nas nang gi gnad kyi rgyu ba 'gog par mdzad pa ni gor ma chag cing/ de lta bu'i sri gnon de ban tshang pas mdzad pa'i rgyu mtshan yang/ sngar 'brug lo 'jam mgon dbang sdud snying po 'di nyid phur sgrub la thog mar phebs skabs/ drug pa'i mjug nas bdun pa'i 'go zhag shas bar kun rdzob ltar snang dang bstun rje rdo rje 'chang nyid glo bur thor pa 'dra ba zhig gis snyun tshul bzhes pas/ de lta'i sri ngan bzlog phyir mdzad pas rten 'brel yang legs te/ sri gnon las sbyor dngos mdzad dus mi gzab mchor can glo bur du lhags shing/ 'byung ba rim brtsegs rnams kyang rdo rje 'chang slob dpon des rnam 'gyur thon pos gzhan las rngam zil che ba dang/ mnan grub ma thag lho phyogs nas 'brug skad snyan pa tshar gcig bsgrags shing/ sgrub khang du 'byon skabs rgyal sgo nas btsun chung zhig me tog kha gsar spar gang thogs te khyams stod phyogs la shar gyis song ba dang/ zim char gyis sa gzhi brlan pa sogs mtshan ma bzang la zhal gro ba zhig mchis pas/ slan chad kyang dgongs par 'khyil dgongs pa'i gras dang/ phur sgrub gegs med du grub nas khrums zla'i nang tsha rong pa'i sras gzhon nu lo bcur byon pa sman bla phun tshogs pas/ rgyud bzhi rgyugs 'bul gyi shog grangs sum brgyar nye ba rje nyid nas bzhes pa bcas/ dus phyis mkhyen rab kyi dper 'os pa lta bu dang/ bsam gling gtang rag