[A:295]drung dge bshes bcos med nas maNDal gos dar sogs dngos po bzang dgu du ma dang/ lhag par lcang skya rdo rje 'chang nas gsung shog gnang rten bzang pos spa ba'i gsung tshig tu/ thub bstan gsal bar byed pa'i sgron me dpal ldan sa skya paNDi ta zhes snyan par grags pa gang de'i zhabs drung du/ zhes dang/ bkra shis kyis mtshan pa'i dus kyi char yang/ 'gro ba yongs kyi dpal rmad du byung ba gzugs sku'i dkyil 'khor dwangs shing/ mdzad khyab bzang po 'gran bral gyi ring nas/ zhes sogs kyi tshig sgra sogs ched 'don mdzad rgyu'i thog ma'i dge ltas dang/ zhabs drung der ngor lugs rig byed thun mong ma yin pa'i rjes gnang dang/ sbyin sreg yig lung/ ngor chen dkon mchog lhun grub dang/ rje nyid kyi ljags rtsom rig byed ma'i sgrub thabs rjes gnang lung/ byin rten sogs re ba'i yol go bkang zhing/ de'i zhabs gras bu mo lo bcu gcig ma de bro tshar bar rje nyid nas bka' bsgo bstsal 'phral nad las grol bas/ khong rnams dad gus che ba las kyang lhag par che bar gyur to/ /sngon gyi mkhas pas/ chos dam tshig gtsang na dngos grub myur/ ces 'brel tshad don ldan de nyid kyi byin rlabs kun 'jug kyang/ dad pa med pa'i mi rnams la/ /dkar po'i chos rnams mi skye ste/ /sa bon me yis tshig pa la/ /myu gu sngon po ji bzhin no/ /de dang dus mtshungs no min han thon dar rgyas kyi mchod gnas zha lu pa'ang 'byor/ rta zla tshes bzhi nas/ bka' 'gyur rin po gsung sgrogs/ tshe chog mgon