[A:303]steng 'og tshong dpon shag khro khang steng 'og sogs gsar bzo rnams dang/ rim gyis mjo mo khang sogs nas bar bskor rgyal po sgang brgyud/ dpal 'byor rab rgyas/ bzo khang gsar pa/ de nas lha chen 'phar nag la mchod 'bul sogs rgyun bzhin phyi bskor grub nas/ gsung bsngo/ dga' ston rgya che ba dang / sbyin sreg sogs mdzad/ de'i sang nas rgyun gyi sgrub mchod dang bcu dgu nas nyer gnyis bar 'cham rgyugs dang/ rgyal yum mchog nas rgyal gsung bka' 'gyur chen po zhal dbye ba/ nyer gsum nas phur bzlog 'jigs byed/ zhal gyi gtor bzlog rnams tshugs pa'i skabs so//
dgung grangs zhe dgur phebs pa me bya rgyal zla'i tshes gcig tho rengs rtser lha bsangs dang bstun mdzo ra'i nang gsar steng nas gong gi jus dkar dar chen sna lnga'i sgron bcas gzim drung gis do dam bsangs dud shin tu che ba dang bcas yar 'then/ de nas rgyal mtshan 'dzugs chog gong bzhin grub nas rgyal po lo gsar gyi dga' ston dang/ rje nyid kyis dmar po skor gsum gtor spod/ dge sding ma Ni bas gzigs 'bul thog dga' ston gyi yan lag tu bro 'khrab gras gzhan dag byung na'ang khri phebs grub nas 'khrab chog pa'i bka' 'doms dang/ lhag par ri bo che nas sngon dus gzigs 'bul zhu mi zhig yin na'ang/ bar skabs su rkyen 'ga' zhig gis ma byung ba de bzhin phyis su yang yang zhu ba 'di dag kyang rje nyid kyi